Dünya sağlıq teşkilâtı, yañı Covid-19 koronavirusnıñ tarqaluv telükesini «yüksekten» «pek yüksek» seviyege köterdi, dep bildire Azatlıq Radiosı.
DST yolbaşçısı Tedros Adhanom Ghebreyesusnıñ fevralniñ 28-nde Jenevada bildirgenine köre, soñki bir qaç kün içinde hastalarnıñ artuvı ve virus qayd etilgen memleketlerniñ sayısı qasevetlendire.
Onıñ bildirgenine köre, İtaliyadan diger 14 memleketke Covid-19 hastası ketti, daa 97 hasta İrandan 11 diger memleketke ketti.
DST reisiniñ aytqanına köre, Qıtayda soñki künde bir ay içinde hastalanğan eñ az sayı qayd etildi.
Fevralniñ 28-ne qadar koronavirusnen hastalanğanlarnıñ sayısı 83 biñni aştı. 35 biñden çoq insan tedaviylendi. Ölgenlerniñ sayısı 2858 kişi oldı.
2019-nCov (COVID-19) virusı büyük koronaviruslar gruppasına aittir. Bazılarda hastalıq qolay keçe, bazılarınla suvuqlanuv ve gripp alâmetleri, em de yüksek sıcaq ve öksürik bar, ağır hastalarda nefes tarlığı qayd etile. Bu öldürici ola bilecek pnevmoniyağa keçe bile.
