Dünya sağlıq teşkilâtı oktâbrniñ 22-nde dünyada rekord COVID-19 hasta sayısını qayd etti – 423 819. Bu aqta Dünya sağlıq teşkilâtınıñ saytında haber etile, dep haber ete Azatlıq Radiosı.
Evelki rekord oktâbrniñ 18-nde qayd etildi – 412 000-den çoq.
Bir künde eñ çoq hasta Avropa memleketlerinde tasdıqlandı – 193 931.
Umumen dünyada bir künde 6426 insan vefat etti.
Johns Hopkins Universitetiniñ malümatına köre, pandemiya başlağanından dünyada 41,6 million COVID-19 hastası qayd etildi, 1,1 million kişi vefat etti, 28,3 milliondan çoq hasta tüzeldi.
Epidemiya vaqtında Ukrainada 322879 koronavirus hastası tasdıqlandı. 6043 kişi vefat etti, 134 898 insan tüzeldi.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
