Dünya sağlıq teşkilâtı martnıñ 13-nde bildirgenine köre, al-azırda Qıtay degil de, Avropa beş biñden insannıñ ayatını alğan yañı koronavirusnıñ merkezi ola. Bu aqta Radio Azattık bildire.
Dünyanıñ çeşit devlet ükümetleri sıñırda kontrol yapıp, pandemiyağa yol bermemek içün çeşit sıñırlavlar kirsete.
«Avropa COVID-19 pandemiyasınıñ merkezi oldı», – dep bildirdi Jenevadaki matbuat konferentsiyasında DST reberi Tedros Adhanom Ghebreyesus. O, koronavirustan beş biñ ölüm – «facialı bir devir» ola, dep ayttı. DST yolbaşçısı qayd etkenine köre, Avropada Qıtaydan ğayrı, qalğan bütün dünyada eñ çoq hasta ve ölüm qayd etildi.
İspaniya, Frenkistan, Almaniya ve İsviçrede birer biñden çoq hasta qayd etildi.
Hastalanğanlarnıñ sayısına köre dünyada ekinci yer alğan İtaliya bir künde vefat etkenlerniñ sayısı 250-ge artıp, 1 266 oldı, dep bildirdi. Bir kün evelsi bu raqam 25% daa az edi.
