Dünya qadınlar kününden Serbest Avropa Radiosı/Azatlıq Radiosı (RFE/RL) Azatlıq Radiosı ve onıñ Qırım.Aqiqat leyhası ile işbiriligi tutqan fotomuhbir Alina Smutkoğa jurnalistikağa qoşqan issesi içün teşekkürler bildirdi.
Smutko Serbest Avropa Radiosı/Azatlıq Radiosınıñ 12 qadın hadimi arasında qayd etildi.
«Olarnıñ işi cemiyetlerde büyük tesir qaldırdı ve bir çoq mukâfat aldı. Olar eñ qıyın şaraitlerde çalışıp, cesaret, añlav, azırcevaplıq ve yüksek zenaat standartlarını kösterdi», – dep aytıla korporatsiya beyanatında.
Daa evel Alina Smutkonıñ fotoresimi Serbest Avropa Radiosı/Azatlıq Radiosı Culture & Traditions umumkorporativ foto yarışınıñ üç ğalip işinden biri oldı.
Fevralniñ 18-nde Qırım.Aqiqat ile işbirligi yapqan fotograf Alina Smutkonıñ Rusiye işğal etken Qırımğa kirişi 2028 senesine qadar yasaq etildi.
Smutkonıñ fikirince, Qırımğa kiriş yasağınıñ sebebi onıñ zenaat faaliyeti oldı.
