Ukrayinanıñ Qırıma prokuraturasınıñ sabıq hadimleri olğan dört qırımlı adliyeci devlet hainligi içün 15 yıl apis cezasına mahküm etile bile. Bunı Qırım MC ve Aqyar şeeriniñ prokuraturası bildirdi.
"Qırım MC türlü rayonlarınıñ prokuraturalarında çalışqan 4 prokuror yarımadanıñ Rusiye Silâlı Quvetleri tarafından işğal etilgen soñ antına hiyanet etip işğalcilerge hızmet etip başlağanı belgiledi. Qabaatlanğanlar "Aqmescit rayonlarara tabiat qorçalav prokuraturasınıñ prokuror muavini", "Kezlev şeeinde prokuror yardımcısı", "Aq Şeyh rayon prokurorınıñ üyken yardımcısı" ve "Qurman rayonı prokuraturasınıñ prokurorı" vazifelerine tayin etildi", - dep yazıla bildirmede.
Bundan ğayrı, Ukrayina prokuraturasınıñ malümatına köre, qabaatlanğanlardan birisi soñra RF nezareti altında olğan Qurman rayon mahkemesinde mahkemeci vazifesine tayin etilgen.
Prokuratura olarnıñ adlarını bildirmey. Bizim ile qonuşqan ve bellisiz qalmağa istegen memur Ukrayina mahkemesine qabaatlar Artem Plaksin, Sergeya Romanov, Artem Konovalenko ve Kristinı Pikulağa (Los) dair berilgenini bildirdi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
