Qırımnıñ Curçı ve Aqmescit rayonlarında 50 evni suv bastı, dep bildirdi iyünniñ 23-nde Kreml kontrolindeki Qırım ükümetiniñ baş nazir muavini İrina Kiviko.
Onıñ aytqanına köre, zarar körgen sakinler içün yedek fondundan tazminat berilecek, amma miqdarını memur aydınlatmadı.
Qırımnıñ Rusiye yolbaşçısı Sergey Aksenov kelecek bazarertesi kününden başlap insanlarğa para bermege talap etti.
«Krımenergo» müessisesiniñ iyünniñ 23-nde bildirgenine köre, yaramay ava sebebinden yarımadada elektrikler kesilgen eli. 180 mesken yerniñ qullanıcıları zarar kördi.
Yaramadada bir qaç künden berli yaramay ava devam ete. Soñki aftada Aqmescit soqaqlarını eki kere suv bastı. Aqyardaki Kazaçya körfezinde topraqnı alıp ketken küçlü yağanaqlar neticesinde topraq eşildi. Ekologlarnıñ ilk esaplarına köre, eşilüv 500 tonna oldı.
Qırımda salı künü, iyünniñ 23-nde, bazı yerlerde yel esmesi beklenile, yağmurlar ve boranlı yağmurlar yağacaq.
