Rusiye arbiyleri Qırımnıñ ğarbiy qısmını faal sürette pekite – Ukrayına desantı tüşürile bilgeni içün degil, anda pek çoq arbiy obyekt bar. Bu aqta Qırımtatar Milliy Meclisiniñ reisi Refat ÇubarovĞromadske Radio yayınında ayttı.
Onıñ bildirgenine köre, Rusiye ordusı ealini «tınçlandırmaq» içün yarımada «mudafaasını» azırlay, dep toqtamayıp ayta.
«Pek çoq inşaat yapqanlar. Hususan Qırımnıñ ğarbinde – Kezlevden yuqarıda qalğan er yerde. Anda böyle yalılar bar, desant tüşe bile ve ilâhre. Amma desant tüşürmek içün o qadar gemimiz olmağanını bileler. Yarımadanıñ ğarbiy qısmını pekitüv anda pek çoq olğan arbiy obyektniñ bulunmasınen bağlıdır, hususan zenit-raketa kompleksleri, esas Ukrayınağa andan ateş açalar», – dep qayd etti Çubarov.
Uydu resimleri Qırımnıñ şimalinde «Ermeni Bazar» ve Perekop Rusiye keçiş noqtaları rayonında çift oko yolağı bar, dep köstere. Uydu fotoresimleri E-105 yolunıñ eki tarafında da ve Sivaş gölü yanında yañı fortifikatsion inşaatlarnı kösterdi.
Avropada ABD ordusınıñ sabıq komandanı Ben Hoces Ukrayınanıñ qarşı ücümi işğal etilgen Qırımnı azat etmek içün yapılacaq, dep bildirdi.
Soravlar köstergenine köre, ukrayınalılarnıñ 60%-dan ziyadesi işğal etilgen Qırımnıñ cenk yolunen azat etilüvine qoltuta – Rusiye ile cenk daa uzun olsa ve Ğarpnıñ yardımı eksilse bile.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
