Rusiye arbiyleri işğal etilgen Qırımdan yarımadanı Rusiyenen bağlağan köpürden çıqqan er kesni teşkere. Bu aqta Qırımtatar Milliy Meclisiniñ reisi Refat Çubarov bildirdi.
«Rusiye işğalci ordusınıñ arbiyleri Qırımnı qolay-qolay terk ete, dep tüşünmeyim. Çünki Qırım tarafında Keriç köprü kirişinde qoşma blokpostlar qoyuldı, tek naqliyat degil, vesiqalar da teşkerile. Qırımnı terk etken er kesni, barışıqsever sakinmi, Rusiye işğalci ordusınıñ arbiyimi ya da Rusiye ceza organlarınıñ hadimimi baqmadan teşkereler», – dep qayd etti o, FreeDOM telekanalınıñ yayınında.
Çubarovnıñ aytqanına köre, rusiyeliler Qırımdaki kerginlikni tuta ve aynı vaqıtta yarımadanıñ kimseniñ qaçamaycaq bir tuzaq olğanını köstere.
Meclis reisi rusiyeliler Zaporijjâ ve Herson vilâyetiniñ işğal etilgen topraqlarında yaşağan ve tahliye etilgen sakinlerden hırsızlağan mal-mulkni çıqara, dep qoştı.
Çubarov Qırımnıñ Rusiye akimiyeti Keriç köprü Ukrayınanıñ tam yüksek ve uzun mesafeli silâsı qarşısında zayıf olğanını añlap, Qırım ve Rusiye arasındaki parom keçitini tertipke qoya, dep bildirgen edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
