Qırımda Rusiye akimiyeti tarafından tiklengen abideler yarımada azat etilgen soñ birden yoq etilmeli. Bu aqta Qırımtatar Milliy Meclisiniñ reisi Refat Çubarov ayttı.
«Cedvelde qayd etilgen ve Rusiye varvarları işğal etken Qırımda olar tarafından tiklengen abideler Qırım azat etilgen soñ bir qaç kün içinde yıqılmalı», – dep qayd etti o, Telegram kanalında.
«Abideler qıymetli bir madenden yapılğan olsa, ğayrıdan qaynatmaq mümkün, aks alda – Qırımnı aramlağan ve yüz biñlernen barışıq sakinniñ ayatını bozğan vahşiylerniñ mirası tozuna», – dep qayd etti Meclis reisi.
Çubarov aytılğan abidelerniñ adlarını aydınlattı. Hususan 2016 senesi Aqmescitte tiklengen «kezaketli insanlar», «bütün zamanlarnıñ halq opolçenleri» ve «II Yekaterina» abideleri aqqında aytıla.
Bundan evel Çubarov işğal etilgen Aqyarğa tarihiy adını qaytarmağa teklif etti.
Ukrayına milliy telükesizlik ve mudafaa şurasınıñ kâtibi Oleksiy Danılov «Qırımnı işğalden azat etüvniñ 12 adımı» adlı paylaşuv yaptı. Teklifler arasında «rus şerefi şeerine» «№6 obyekt» adını bermek bar.
Bundan ğayrı, Danılov Qırımda «rus gemisi s……. kete» abidesini tiklemege, 2014 senesi fevral ayından soñ yarımadağa kelgen Rusiye vatandaşlarını yarımadadan çıqarmağa, Qırım köprüni bozmağa teklif ete.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
