Qırımtatar Milliy Meclisiniñ reisi Refat Çubarov Qırımda Rusiye akimiyetiniñ Aqmescitteki Milliy Meclis binasını «devletleştirüvini» izaatladı.
Onıñ aytqanına köre, bina 2014 senesi sentâbr ayında Rusiye uquq qoruyıcıları tarafından zapt etildi. O vaqıttan berli bina tevqif altında buluna ve saipleri kirip olamay, böylece bina zarar köre.
«Rusiye işğalcileri bugün Aqmescitteki Şmidta, 2 adresinde «Qırım» Fondu» Hayriye teşkilâtına ait ve Qırımtatar Milliy Meclisi, fond müdirligi ve «Avdet» gazetasınıñ muarririyetiniñ ofisi bulunğan eki qatlı binanı «devletleştirmege» qarar berdi», – dep yazdı Çubarov Facebookta.
O, Qırımnıñ Rusiye akimiyetini hayriye teşkilâtınıñ Avropa insan aqları mahkemesine bergen davası toqtatmadı, dep qoştı.
Qırımnıñ Rusiye parlamentiniñ spikeri Vladimir Konstantinov Kreml kontrolindeki deputatlar hususan Ukrayına prezidentiniñ ömür arqadaşı Ölena Zelenskayanıñ dairesiniñ «devletleştirilüvine» rey berdi. Cedvelge Ukrayına bankları ve sanayı müessiseleri, şarap müessiseleri, bala lageri ve diger mulk kirdi.
Qırımnıñ Rusiye yolbaşçısı Sergey Aksenov Qırımda «Ukrayına iş adamlarınıñ mülkini» satıp, Rusiyeniñ Ukrayınağa qarşı cenkini maliye etmege niyetleneler, dep bildirdi.
Ukrayına prezidentiniñ Qırım Muhtar Cumhuriyetindeki daimiy temsilcisi Tamila Taşeva Ukrayına insan ya da devlet aqlarınıñ bozuluvını qabul etmeycek, dep ayttı. Bular «devletleştirüv» ya da mulkni tazmin etüv, mirasçılıq qararları ola.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
