Credit Suisse tetqiqiy institutınıñ "Dünya zenginligi-2019" yıllıq esabatında, Rusiyede 246 biñ dollar millioneri bar, dep bildirile. 2010 senesi ise Rusiyede 14 biñ dollar millioneri edi, dep haber ete "Nastoyaşçeye vremâ".
Bu malümatqa köre, eñ zengin rusiyelilerniñ 10%-ına bütün ülke ealisiniñ baylığınıñ 83% aittir.
AQŞ-nda eñ zengin adamnlarnıñ 10%-ına bütün baylıqnıñ 60%-ı ait, Qıtayda ise - 60%-ı.
"Rusiyede 110 milliarder bar, bundan sebep servetniñ kontsetratsiyası büyüktir", - denile esabatta.
Forbes mecmuasınıñ malümatına köre, eñ bay 100 rusiye memurı 2018 yılda 1 milliard dollar qazandı. Devlet hızmetçileri ve mebuslarnıñ cedvelinde Vladimirskaya vilâyetiniñ mebusı, "Vladimirskiy standart" şirket taqımınıñ teşkilcisi Pavel Antonov birinci oldı. Forbes malümatına köre, 2018 senesi onıñ resmiy keliri 10 milliard ruble oldı.
