Qırımda keçken künü 321 koronavirus hastası qayd etildi, tünevin hasta sayısı daa çoq edi. Bu aqta Qırımnıñ Rusiye sağlıq nazirligi bildirdi.
Müessise malümatına köre, 24 insan vefat etti.
398 hasta yahşı oldı.
Bir künde 5978 insanğa koronavirus testi yapıldı.
Pandemiya başlağanından berli Qırımda, resmiy malümatqa köre, 123 296 koronavirus hastası qayd etildi, 3827 insan vefat etti. Bu müddet devamında 113 169 insan tüzeldi.
Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.
