Qırımda keçken künü 84 yañı koronavirus hastası qayd etildi, tünevinki raqamlardan daa az oldı. Bu aqta Qırımnıñ Rusiye ükümetiniñ saytı haber ete.
Bir künde 87 insan yahşı oldı, bütün müddet devamında 118 665 kişi tüzeldi. 21 insan vefat etti, pandemiya vaqtında 4 434 kişi vefat etti.
Bir künde Qırım laboratoriyaları 510 insannı baqtı.
Bir kün evelsi Qırımda 21 hasta, Aqyarda eki hasta vefat etti, dep haber etilgen edi.
Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.
COVID-19 koronavirus yuqunçı
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.