Link açıqlığı

Saatnıñ esas haberi

COVID-19 Qırımda: bir künde 100-den çoq hasta qayd etildi – akimiyet


Qırımda aprelniñ 28-nde 101 koronavirus hastası qayd etildi, 18-iniñ hastalıq alâmetleri yoq, dep bildirdi Kreml kontrolindeki Qırım yolbaşçısı Sergey Aksenov Facebook saifesinde.

Onıñ malümatına köre, 81 hasta tibbiy yardım içün muracaat etkende qayd etildi, 20 kişi daa evel qayd etilgen hastalarnen alâqada oldı.

«Keçken künü yañı koronavirus yuqunçını tedqiq etken cumhuriyetniñ laboratoriyaları 2753 insannı teşkerdi», – dep yazdı Aksenov.

Onıñ aytqanına köre, bir künde 92 insan yahşı oldı, bütün müddet devamında 37 420 kişi tüzeldi.

Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.

COVID-19 koronavirus yuqunçı

Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.

O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.

2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.

XS
SM
MD
LG