Link açıqlığı

Saatnıñ esas haberi

COVID-19: Qırımda 63 yañı hasta qayd etildi


Qırımda keçken künü 63 yañı koronavirus hastası qayd etildi. Benı haber etti Qırımnıñ Rusiye başı Sergey Aksönov haber etti.

Berilgen malümatqa köre, bu künde 3113 adam baqındı.

«Hasta olğanlarnıñ umumiy sayısından 38 adam tibbiy yardım içün muracaat etkende qayd etildi, 25 daa evel qayd etilgen hastalarnen alâqada oldı», – dep yazdı Aksönov.

Qırımda pandemiya başlanğandan berli 36 554 adam hastalandı ve 33 295 tedaviylendi, 995 öldi.

Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.

Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.

O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.

2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.

XS
SM
MD
LG