Link açıqlığı

Saatnıñ esas haberi

COVID-19: Qırım bir künde qayd etilgen hasta sayısında yañı rekord kösterdi


Qırımda bir künde koronavirus hastalarınıñ yañı rekordı qayd etildi – 867 hasta. Bu statistikanı noyabrniñ 17-nde saba Rusiyeniñ Rusiye nazirligi derc ete.

Soñki sefer eñ çoq hasta – 860 – eki kün evelsi qayd etildi. Bir kün ögüne ise hasta sayısı eksilgen edi – 859.

Qırım sağlıq nazirliginiñ malümatına köre, keçken künü 20 hasta vefat etti, tünevin 18 insan keçindi. Pandemiya vaqtında Qırımda 3308 COVID-19-dan vefat etti.

«Umumen (pandemiya vaqtında – QA) 110 370 COVID-19 hastası qayd etildi. Bir künde 866 insan tüzeldi, bütün müddet devamında 98 056 insan tüzeldi», – dep aytıla Qırım nazirliginiñ malümatında.

Qırımnıñ Rusiye yolbaşçısı Sergey Aksenov yarımadada kovid ile küreş tedbirleri quvetleştirile bile, dep ayttı.

Oktâbrniñ 20-nde yarımadada koronavirus ile küreş tedbirleri quvetleştirildi.

Bundan evel Qırımda koronavirus pandemiyası sebebinden ilân etilgen yüksek seviyeli azırlıq rejimi dekabr ayına qadar uzatıldı. Oktâbrniñ 11-nde Qırımda yañı koronavirus sıñırlavları kirsetildi.

Noyabrniñ 8-nden itibaren Qırımda pandemiya sebebinden musafirhanelerde, şifahanelerde ve diger yerlerde yer ayıruv ve qaluvnen bağlı yañı qaideler işke tüşürildi.

Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

COVID-19 koronavirus yuqunçı

Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.

O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.

2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.

XS
SM
MD
LG