Keçken künü işğal etilgen Qırımda koronavirus telükesi sebebinden observatorlarğa alınğan insanlarnıñ sayısı eki qat ziyade arttı – 46 insandan 98 insanğa qadar. Bu aqta Qırımnıñ Rusiye Sağlıq nazirligi bildire.
«Er künlik monitoring malümatına köre, 962 insan tibbiy közetüv altında buluna, 803-ü evde dinamik közetüv altında, 61-i hastahanede qala, 98 kişi observatorlarğa alındı», – dep aytıla aprelniñ 23-nde müessise haberinde.
Aprelniñ 22-nde Qırımdaki observatorlarğa alınğan 46 kişi aqqında malümat berilgen edi.
Böylece, Qırımda tasdıqlanğan 53 COVID-19 hastası bar. Aqyarda 25 koronavirus hastası qayd etildi. Qırımda ve Aqyarda özüni izolâtsiya etüv rejimi aprelniñ 30-na qadar uzatıldı.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
