Yanvarnıñ 14-yu sabası itibarınen Qırımda 110 yañı COVID-19 hastası qayd etildi, bu tünevinge baqqanda ziyade. Bunı Qırımnıñ Sağlıq saqlav nazirligi haber etti.
Aynı zamanda tünevin koronavirus yuqunçından doquz hasta vefat etti.
"Pandemiya başlanğandan berli Qırımda 128 019 insan koronavirusqa oğradı. Künde tüzelgenlerniñ sayısı 119, bütün müddet devamında 119 421", - dep yazıla bildirmede.
Hatırlatamız, bir kün evel Qırımda 94 yañı COVID-19 hastası ve vefat etken 10 hasta aqqında haber etilgen edi.
Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.
COVID-19 koronavirus yuqunçı
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
