Jons Hopkins Universitetindeki Sistema tedqiqatları merkeziniñ malümatına köre, dünyada bir afta içinde aman-aman 3,4 million yañı hasta qayd etilgen, dep haber ete Azatlıq Radiosı.
Bir afta içinde dünyada 4,5 milliondan ziyade yañı vaqia qayd etildi.
Umumen pandemiya başlağanından berli dünyada 80,7 milliondan ziyade adam hastalandı, tahminen 45,7 million tedaviylendi ve 1764317 öldi.
Dekabrniñ 27-nde Avropa Birliginde COVID-19dan kütleviy aşılama başlandı. Keçenlerde AB memlektelerine Pfizer-BioNTech preparatınıñ on biñlernen dozası ketirildi. İlk nevbette qartlar ve tibbiyet hadimleri aşılanacaq.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
