Aqyarda iyünniñ 11-nde 31 koronavirus hastası qayd etildi. Bu aqta şeerniñ Rusiye ükümetiniñ matbuat hızmeti haber ete.
Qayd etilgenine köre, bir künde 92 yaşında bir insan vefat etti, 41 kişi tüzeldi.
Umumen Aqyarda 15248 insan koronavirus yuqunçına oğradı, 700 kişi vefat etti, 13920 insan tüzeldi.
Hatırlatamız, iyünniñ 9-nda Aqyarda 27 koronavirus hastası ve bir vefat qayd etildi.
Aqyarda 2021 senesi iyünniñ 30-na qadar COVID-19 sebebinden sıñırlavlar rejimi uzatıldı.
Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.
COVID-19 koronavirus yuqunçı
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
