Aqyarda yanvarniñ 4-nde saba 89 yañı COVID-19 hastası qayd etildi, yahşı olğan 75 insan yiberildi, dep haber ete şeerniñ Rusiye ükümeti.
«Umumen Aqyarda 7106 kişi yañı koronavirus yuqunçına oğradı. 6571 insan tüzeldi, 245 kişi vefat etti. Bugünki künde COVID-19 diagnozı tasdıqlanğan 159 kişi hastahanede buluna. Alı yengil olğan hastalar bölüginde 203 insan yata», – dep aytıla haberde.
Akimiyetniñ malümatına köre, 615 kişi közetile.
Keçken künü Qırımda 247 koronavirus hastası qayd etildi, 9 kişi vefat etti.
Umumen pandemiya vaqtında 26274 COVID-19 hastası qayd etildi. Yahşı olğan 20531 kişi yiberildi.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
