Link açıqlığı

Saatnıñ esas haberi

COVID-19: Aqyarda 74 yañı hasta qayd etildi, eki insan vefat etti


UKRAINE -- Oleksandrivska clinical hospital
UKRAINE -- Oleksandrivska clinical hospital

Oktâbrniñ 29-nda saba 74 yañı COVID-19 hastası qayd etildi. 33 hasta yuqunç ve doquzıncı şeer hastahanelerine alındı, 41 insan ambulator tedaviylevde buluna, dep bildire şeerniñ Rusiye ükümeti.

«Hastalar – 12 yaşından 83 yaşına qadar yerli sakinler. Eki kişi vefat etti: 81 yaşında qadın ve 67 yaşında er adamı. Ekisiniñ de hronik hastalıqlarınen beraber eki taraflı virus-bakterial pnevmoniyası oldı», – dep aytıla haberde.

Akimiyetniñ malümatına köre, yılnıñ başından Aqyarda 2238 insan koronavirus yuqunçına oğradı, 1400 kişi tüzeldi, 63 insan vefat etti.

Berilgen malümatqa köre, bugünki künde COVID-19 diagnozı tasdıqlanğan 258 insan şeer hastahanelerinde buluna: 114-ü yuqunç hastahanesinde, 140-ı doquzıncı şeer hastahanesinde, eki kişi Mudafaa nazirliginiñ hastahanesinde qala.

Şeer akimiyetiniñ malümatına köre, 476 insan ambulator tedaviylevde buluna, 468 kişi közetile.

Rusiye kontrolindeki Qırım akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.

Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.

O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.

2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.

XS
SM
MD
LG