Rusiye tarafınıñ Çonğardaki köpürge endirilgen darbenen bağlı izaatlarınıñ olmaması Kremlniñ bu mevzunı aydınlatmamaq emrinen bağlıdır, dep aytıla Amerikanıñ Cenkni tedqiq etüv institutınıñ (ISW) esabatında.
Talilciler arbiy blogerler bu mevzunı körmemezlikke urdı, bir munaqaşa yapmadı, dep ayta. Tek Herson vilâyetiniñ işğal altındaki qısmınıñ yolbaşçısı Vladimir Saldonıñ köpürge yönelgen 12 Strom Shadow Ukrayına qanatlı raketası tüşürildi degen malümatı aytıldı.
«Çonğardaki köpür Rusiyeniñ kritik müim yerustü bağ hattında dar bir yer ola ve Rusiye blogerleriniñ Ukrayınanıñ köpürge qarşı muvafaqiyetli ya da muvafaqiyetsiz darbesini aydınlatmaması olarnıñ qararı degildir. ISW, bazı Rusiye blogerleri Kreml cezalarından qorqup, Ukrayınadaki cenkni Kreml narrativlerine köre aydınlata bile, dep bildirgen edi», – dep aytıla esabatta.
ISW böyle ceza misali olaraq «DNR» silâlı gruppirovkasınıñ sabıq yolbaşçısı İgor Girkin (Strelkovnıñ) apiske alınmasını ayta?
İyülniñ 29-nda Ukrayına Silâlı quvetleri bir qaç kün evelsi vaqtınca işğal etilgen Qırımda Çonğardaki köpürge Storm Shadow raketalarınen ücüm etti, dep tasdıqladı.
İyünniñ 22-nde saba işğal etilgen Ukrayına topraqlarınıñ Rusiye akimiyeti Çonğar köprüne ateş açıldı, dep bildirgen edi. Rusiyeliler tayin etken Herson vilâyetiniñ işğal etilgen qısmınıñ yolbaşçısı Vladimir Saldo Çonğar köprüne Strom Shadow raketalarınen ücüm etildi. Rusiye Tahqiqat komiteti Çonğar köprüne dört raketadan ateş açıldı, dep bildirdi.
Ukrayına cenübiniñ mudafaa spikeri Natalâ Ğumenük Çonğar köprü zarar körgen soñ Rusiye işğalcileriniñ logistikası bozulacaq, dep aytqan edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
