Ukrayına Mudafaa nazirliginiñ Baş istihbarat idaresi Çonğar köprüne açılğan ateşni izaatladı.
«İş kete ve devam etecek. Telükesizlik, mudafaa, tirenüv areketi, Ukrayına akimiyetiniñ bu topraqlarğa qaytmasını beklegen yerli eali quvetleriniñ planlı işi. Devamı bar, dep ayta bilem», – dedi vekil Andriy Yusov.
İyünniñ 22-nde saba işğal etilgen Ukrayına topraqlarınıñ Rusiye akimiyeti Çonğar köprüne ateş açıldı, dep bildirdi. Rusiyeliler tayin etken Herson vilâyetiniñ işğal altındaki qısmınıñ yolbaşçısı Vladimir Saldo aytqanına köre, Çonğar köprüne Storm Shadow raketalarından ateş açıldı.
Qırımnıñ Rusiye akimiyeti Çonğar yönelişinden areketni Ermeni Bazar ve Perekop keçiş noqtalarına aylandırdı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
