CNN Amerika telekanalı sentâbrniñ 6-nda Donetsk vilâyetiniñ Pokrovsk şeeri yanında avgustnıñ soñunda yüz bergen uruşlar vaqtında üç ukrayin arbiy hızmetçisiniñ öldürilgenini köstergen videonı derc etti.
Neşir, vaqianıñ bu yık daa sıq körüngen idamlarnıñ bir parçası olğanını yaza.
Ukrayina baş prokurorı Andriy Kostin CNN-ge bildirdi ki, müessise cenk başlağanından berli böyle 28 adiseni tahqiq ete, olarnıñ neticesinde 62 ukrayin askeri elâk oldı.
Ukrayina Tış işler nazirliginiñ spikeri Georgiy Tihiy devletlerni ve halqara teşkilâtlarnı ukrayin arbiy esirleriniñ muntazam öldürüvi ve işkencesini takbih etmege çağırdı.
"Bütün qanunsız tutulğan şahıslarnıñ qaytarılmasını talap etken Barışıq Formulasınıñ qaidelerini yerine ketirmek içün bütün ğayretlerni birleştirmek kerek", — dep yazdı Tihiy X ağında.
Daa evel Donetsk vilâyet prokuraturası, Toretsk yönelişinde üç ukrayinalı esirniñ öldürilüvi aqqında malümat peyda olğandan soñ, tahqiqat başlağan edi.
Ukrayinada insan aqları BMT nezaret missiyası öz esabatlarında Rusiye ukrayin arbiy esirlerni işkence etmege ve öldürmege devam etkenini tasdıqladı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
