Onıñ aytqanına köre, Rusiye akimiyeti martnıñ 15-nden 17-ne qadar keçirecekleri Putinniñ idaresini uzatmaq içün formal bir şey ola.
«2014 senesinden berli fikrimiz deñişmedi. 2014 senesinden başlap topraqlarımızda «saylavlar» ya da «referendum» adı altında keçirilgen iç bir siyasiy esnas qırımtatarlarnıñ ve çoqusı vatandaşımıznıñ iştiraki ceetinden qanuniy olmadı. Bu sefer de öyle olacaq», – dedi Ahtem Çiygoz.
İşğal etilgen Qırımda Rusiye prezidentiniñ saylavlarına faal azırlıq kete. Qırımnıñ Rusiye parlamentine kirgen «Cemaat palatası» dekabr ve yanvar aylarında Qırımda közeticilerni azırladı. Fevralniñ 17-nden martnıñ 7-ne qadar Qırım yarımadasında Qırımnıñ Rusiye saylav komissiyasından saylayıcılarnıñ «evlerine kelmege» planlaştıralar.
«Evlerni dolaşıp, ayaqyolğa kirgenleri ya da başqa bir areketlerini taqip etmege meraqlı degil, şunıñ içün şimdi, yerli vatandaşlarımız açıq şekilde imkânlarımıznı köstergende, bizler ücüm etkende, darbe endirgende, olarnı (Rusiye) ateş noqtalarını ve arbiy obyektlerini bastırğanda bu Rusiye içün keçmişte olğanını köstere. Qırımnı bugün iç bir oyunnen (Rusiye – QA) tesir alanında qaldırıp olamazlar», – dedi Ahtem Çiygoz.
2023 senesi dekabr ayınıñ soñunda belli olğanına köre, prezident saylavları vaqtında Rusiyeniñ 27 regionında ve işğali altındaki Qırım ve Aqyarda uzaqtan elektron rey berüv keçirilecek. Rusiye Federatsiyasınıñ prezident saylavlarında martnıñ 15-nden 17-ne qadar rey berüv olacaq.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
