Çufut Qale – Qırımnıñ eñ meşur qoba şeerlerinden biridir. Tarihçılarnıñ aytqanına köre, onı V-VI asırlarda bizanslar Hersonesni mudafaa etmek içün qurdı. İnsanlar mında XX asırğa qadar yaşadı.
Çufut Qale qurulğan qaya bir buçuq biñ yıl devamında çeşit halqlarnıñ kelip yerleşken yeri oldı. Er biri şeerge farqlı ad bergen edi, şunıñ içün eñ az sekiz adı oldı. Biri de – Qırq Yer.
Çufut Qale Qırım hanlığınıñ birinci paytahtı olğan. Qırımtatarlar andan Bağçasaray qurulğan soñ ketti, Çufut Qalede qaraylar yaşamağa qaldı – Qırımnıñ tamır halqlarından biri. Olar qaray dinini küte – Eski Ahitke esaslanğan din. Olarnıñ sayesinde Çufut Qale öz adını alğan – tercime etilse, manası «yeudilerniñ qalesi» ola. XX asırda halq qoba şeerini terk etti ve Çufut Qale turistler kelgen bir yer oldı.
Bu fotoresimler 2015 senesi noyabr ayında Donetsk vilâyetindeki Peski köyünde Donetsk agrar sanayı istisal institutınıñ filial viranesinde mühbirler tarafından tapıldı. Olarnıñ müellifi institutnıñ sabıq hadimi, qasaba sakini Vladimir İvanoviç Vistâk ola.
(Fotoresimler ilk sefer 2019 senesi dekabrniñ 21-nde derc etilgen edi)
Facebook Forum