Keçken sene, 2024 senesi Qırım.Aqiqat yarımadadaki Rusiye arbiy obyektlerine 70-ten ziyade ücümni qayd etti. Bu yarımadanıñ işğalden azat etilüvini yaqınlaştırdımı? İlhaq etilgen Qırımda siyasiy taqipler arttımı ya da eksildimi? Keçken sene Qırımda neler oldı? Qırım.Aqiqat Radiosınıñ alıp barıcısı Roman Spiridonov bu aqta arbiy ekspert, «Strategiya XXI» dünya ögrenüvleri merkezinde havfsızlıq programmalarınıñ müdiri Pavel Lakiyçuk ve Qırım aq qorçalayıcı gruppasınıñ idare başı Olga Skripniknen muzakere etti.