2023 senesi yanvarniñ 1-nece Avropa Birliginiñ resi olğan Çehiya Cumhuriyeti Rusiyeniñ Ukrayinağa büyük istiyalâsına cevap olaraq rusiyelilerge Şengen vizası berilmesini yasaqlamağa çağıruvnı destekledi. Bunı Bloomberg agentligi haber ete.
"Rusiyeliler, böyle cenkâver bir siyasetniñ aqibetleri olğanını añlamalıdır", - dedi Çehiya TİN yolbaşçısı Yan Lipavskiy.
Onıñ sözlerine köre, Çehiya avgustnıñ soñunda Pragada keçirilecek AB Tış işler nazirleriniñ toplaşuvından bu qarar üzerinde uzlaşma elde etmege tırışacaq eken. Böyle bir yasaq Rusiyege qarşı nevbetteki AB sanktsiyalar paketine qoşula bilir.
Evel Ukrayina prezidenti Volodımır Zelenskıy rusiyelilerniñ Ğarp memleketelriniñ topraqlarına kirmesini yasaqlamağa çağırğan edi. Onıñ teklifine AB azaları Estoniya, Letoniya, Litvaniya ve Finlândiya qoltuttılar. Aynı zamanda AB azası olğan Almaniya bütün rusiyeliler içün viza berilmesi yasağı ğayesini desteklemegenini açıq şekilde bildiri. "Bu Putinniñ cenkidir, şunıñ içün men bu ğayege qoltutamayım", - dedi Almaniya kantsleri Olaf Şolts.
Avropa Komissiyası rusiyelilerge viza berilmesiniñ tamamınen toqtatılmasını red etti, çünki bu Avropa Birliginiñ qaidelerine zıttır.
Bir qaç AB memleketi, şu cümleden Estoniya, Letoni, Litvaniya ve Çehiya Zelenskıynıñ teklifinden evel Rusiye vatandaşlarına turistik viza berilmesini toqtattı.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
