Bu aqta Çehiya prezidentiniñ memuriyetiniñ resmiy saifesinde aytıla.
"Çehiya Cumhuriyetiniñ prezidenti Pötr Pavel Praga şeerinde Mustafa Cemilevge Çehiya Cumhuriyetiniñ eñ yüksek devlet mukâfatlarından birini berdi — "Devlet ve vatandaş telükesizligi saasında devlet ögündeki hızmetleri içün" medal", — dep haber etile Mustafa Cemilevniñ Facebook saifesinde.
Bundan da ğayrı, merasim vaqtında ölümden soñ "Qaramanlıq içün" medalini, göñülli olıp, İnternatsional Legionnıñ 3-nci piyade batalyonında cenkleşken çeh Karel Kuçera aldı.
Çehiya vatandaşı Bahmut yanında elâk oldı, mukâfatnı ise prezidentniñ qolundan onıñ anası aldı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
