Eger Ukrayinanıñ Rusiye ile cenki "buzlatılsa" ve işğal etilgen topraqlar Rusiye nezareti altında qalsa, o, cenk masraflarını tolusınen ödeycek. Bu aqta Azatlıq Radiosına bergen eksklüziv intervyüsında 2014-2019 seneleri Ukrayina Silâlı quvetleriniñ baş komandanı general Viktor Mujenko bildirdi.
Onıñ aytqanına köre, Donetsk, Lugansk, Zaporojjâ ve Herson vilâyetleriniñ işğal etilgen topraqları ile vaziyet "kritiktir", çünki söz "yalıñız topraqlarnıñ degil de, Ukrayinanıñ resurs bazasınıñ yarısı" aqqında kete.
"Bu bütün Ukraнina yedeklerinden bütün resurs bazasınıñ tahminen yarısıdır. Ve esaplar atta anda bir raqam berdi. Menimce, anda umumiy sayı 15 trillion! Anda çeşit baalar bar edi. 20, 25 trilliondan ziyadesi bar. Olarnıñ yarısı bugün işğal etilgen bu yerlerdir", — dep qayd etti Mujenko.
O qayd etti ki, "1 trillion dollar mineral işlep çıqaruv 20–30 yıl içinde 8–9 trillion dollar umumiy içki mahsulat ösmesini meydanğa ketire bile».
"Ukrainanı ne qadar yılğa inkişafından marum qaldıracaqmız?! Bunıñ içün küreşmek kerekmi? Umumen yahşı ayat içün?"
Rusiye Federatsiyasınıñ işğal etilgen topraqlarına biñge yaqın ukraнinalı qayttı, dep bildire Ukrayina içtimaiy siyaset nazirliginiñ malümatı. Bu aqta Azatlıq Radiosınıñ soratuvına köre haber etildi . Bundan ğayrı, bu malümatqa köre, dekabr 2-de Ukrayinada aman-aman beş million memleket içinde köçken şahıs qayd etildi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
