Saat 13:30-da yaralanğan 61 insan aqqında belli, olarnıñ arasında üç bala bar.
Polis darbe yerinde qıdıruv-qorçalav işleri devam ete, ğayıp olğan altı kişi aqqında malümat bar, dep qoşa.
Rusiye arbiyleri saat 9:00-da Çerniğivge ateş açtı. Çerniğiv vilâyetiniñ arbiy memuriyet yolbaşçısı Vâçeslav Çaus «duşman şeer merkezine üç raketa darbesini endirdi», dep tarif etti. Onıñ malümatına köre, Rusiye quvetleriniñ ücümi içün «İskander» qanatlı raketlarını qullanıldı. Polis raketa neticesinde içtimaiy infrastruktura obyektleri, oquv yurtu binası, hastahaneler, 16 mesken çoq qatlı bina zarar kördi.
Delillerge baqmadan, Moskva, büyük istilâ başlağanından berli, Ukrayina vatandaşları ve infrastrukturağa nisbeten maqsatlı ücüm olğanını red ete.
BM Ukrayına insan aqları monitoring missiyası Ukrayınada Rusiyeniñ büyük istilâsı başlağanından 10810 vatandaş ölgenini bildirdi, 20556 kişi yaralandı. Teşkilât vatandaşlar arasında daa çoq qurban bar, dep tahmin ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
