Aprelniñ 17-nde saba Rusiye Federatsiyasınıñ arbiyleri kerçekleştirgen raketa ücümi neticesinde Çerniğivde eñ az dört kişi elâk oldı. Bu aqta şeer yolbaşçısı Oleksandr Lomako bildirdi.
«Elâk olğan dört kişi aqqında malümat tasdıqlandı. Ne yazıq ki, bu raqam daa yüksek ola bile», – dedi memur.
Çerniğiv vilâyetiniñ arbiy memuriyet yolbaşçısı Vâçeslav Çaus «duşman şeer merkezine üç raketa darbesini endirdi», elâk olğanlar ve «peç çoq yaralanğan» bar, dep bildirdi.
Aprelniñ 17-nde saba Rusiye Federatsiyasınıñ arbiyleri bir qaç Ukrayına şeerine ücüm etti, ğarbiy vilâyetlerden ğayrı, Ukrayınanıñ bütün vilâyetlerinde ava telükesi ilân etildi.
Rusiye arbiyleri Ukrayina regionlarına çeşit silâlardan muntazam surette ücüm ete. Delillerge baqmadan, Moskva, büyük istilâ başlağanından berli, Ukrayina vatandaşları ve infrastrukturağa nisbeten maqsatlı ücüm olğanını red ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
