Rusiye nezaretindeki Qırim yaqıt stantsiyalarında bir aynıñ içinde benzin fiyatı deyerli deñişmedi. Cermay bazarında fiyatlarnıñ tüşkenine baqmadan, mında benzin ucuzlanmay. A-95 benzininiñ fiyatı qararnen 48 ruble.
Buña baqmadan, qırımlılar denişmelerni bekley. Birileri - ucuzlanuvnı, başqaları ise aksine paalılaşuvnı.
"Cermay burhanı er keske tesir eter, dep belleyim. Men uçaqlarnen uçmasam ve maşna aydamasam da, maña da tesir eter. Er şeyniñ, şu cümleden erzaq mallarnıñ da fiyatları paalılaşır", - dey bir yarımada sakini.
"Ümüt etem ki, erzaqlar ucuzlanır, çünki Qırım istisalcıları aytqanı kibi, mahsulatnıñ yüksek fiyatları paalı benzinnen bağlı", - akis fikirnen paylaşa basqa qırımlı.
Daa tafsilâtlı Qırım.Aqiqat televizion leyhasınıñ yañı yayınında baqıñız.
