Kyivde «Rusiye mahküm etken Vladislav Yesipenko ve diger qırımlı jurnalistler nasıl qurtarılacaq» matbuat konferentsiyasında Ceppar bu memleketler bu esnasta açıq iştirak etmege istemey, dep ayta. Ukrayına akimiyeti eñ azından bazıları azatlıqqa çıqsın dep, vatandaş reineleriniñ cedvellerini bermege tırıştı.
«Bir şey tam añlaymız: Rusiye Federatsiyası bu reinelerni azat etmeycek, teklif etken iç bir mehanizmimizni qabul etmey. Onıñ (Rusiyeniñ – QA) Qırımdaki mabüslernen bağlı tam qararı bar – Rusiye pasportı olğan insanlar bar… şunıñ içün mahküm etilgen ve bütün protsessual etaplardan keçecek», – dep cevap berdi Ceppar.
Ukrayına Tış işler nazirliginiñ yolbaşçı muavini qayd etkenine köre, müessise diger memleketlernen çalışmağa devam ete dep, Türkiyeni örnek olaraq köstere, onıñ vastasınen bazı siyasiy mabüsler azat etildi.
Qırım aq qorçalayıcı gruppasınıñ yolbaşçısı Olga Skripnik qayd etkenine köre, aq qorçalayıcılar farqlı memleketlerge muracaat etip, bazı siyasiy mabüslerni azat ettirüv mesmelesini öz boynuna almasını rica etti.
«Birisi qadınnı, meselâ, birisi musulmannı ala. Biz eñ azından bir insannı cedvelden almağa ve mümkün olğanı qadar imkânlarnı qıdırmağa rica etemiz. Belki, Rusiyeni deñişüv içün meraqlandırğan birileri bar», – dep tarif etti Skripnik.
Oktâbrniñ 5-nde Kyivde «Rusiye mahküm etken Vladislav Yesipenko ve diger qırımlı jurnalistler nasıl qurtarılacaq» matbuat konferentsiyası olıp keçti. Onıñ iştirakçileri şimdiki vaziyet aqqında tarif etti, anda media temsilcileri bar – Qırım.Aqiqatnıñ serbest hadimi Vladislav Yesipenko da olğan Kreml reineleri, siyasiy mabüslerniñ taqip etilüvinen bağlı Rusiye vekilleri aqqında tarif etti.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
