BMT Baş Assambleyasında keçirilgen soñki rey berüvde Ukrayina ile bağlı qarar rekord sayıda ses aldı. Bunı Ukrayina TİN yolbaşçısınıñ birinci muavini Emine Ceppar bildirdi.
"Bu rekord sayıda ses Ukrayina ve onıñ tarafdarları içün umumiy ğalebe oldı. Büyük destek qazanmaq içün edimizden kelgenini yaptıq. Bu, qazanılğan bir uruştır, bundan soñ cenkni de mıtlaqa qazanacaqmız. Baş Assambleya Rusiyeniñ Ukrayinanıñ Donetsk, Zaporijjâ, Lugvnsk ve Herson vilâyetlerini işğal etmek ıntıluvlarını qatiyen red etti. 143 devlet Ukrayinanıñ suverenitetine, mustaqilligine ve topraq bütünligine sadıq olğanını tasdıqladı. Ve Qırım ve Aqyar şeeri devletimizniñ ayırılmaz parçası olğanını bir daa qayd etti", - dep yazdı o.
Ukrayina TİN yolbaşçısınıñ birinci muavini Emine Ceppar qayd etti ki, Rusiye BMT Baş Assmableyasında rey berüvni bozıp olamağan.
"Bu afta Ukrayinanıñ raketa şantaji kibi. Moskva özüni kederli bir taqımda taptı: Suriye, Şimaliy Koreya, Belarus ve Nikaragua. Bir zamanları üstün devlet kibi sayılğan Rusiye tüşkün diktaturağa çevirildi", - dep qayd etti o.
BMT-nıñ oktâbrniñ 12-nde qabul etken qararında Rusiye tarafından "LNR", "DNR" ve Ukrayinanıñ işğal etilgen Herson ve Zaporijjâ vilâyetleriniñ Rusiye tarafından işğal etilgen qısımlarınıñ ilhaqını takbih ete.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
