Qırımtatarlar aqqında «1944. Sürgünlik» filmi Türkiyede keçirilgen Antakya Film Festival halqara kinofestivaliniñ halqara vesiqalı filmler sektsiyasında baş mukâfat aldı. Bu aqta Ukraina Tış işler naziriniñ birinci muavini Emine Ceppar Facebook saifesinde haber etti.
«Halqımnıñ tarihını sürgünlikni körgen acayip ve küçlü insanlarnıñ hatırlavlarında canlandırğan insanlardan ğururlanam… «1944. Sürgünlik» filmi Türkiyedeki halqana kino festivalinde – Antakya Film Festival – halqara vesiqalı filmler sektsiçsında baş mukâfatnı aldı», – dep bildirdi Ceppar.
O, filmni çıqarğan insanlarğa yañı ğalebeler tiledi.
Hatırlatamız, 2019 senesi baarde Kyivdeki «D12» galereyasında qırımtatar sürgünligi aqqında «1944» vesiqalı filmi taqdim etildi. Onıñ rejissörları Yunus Paşa ve Qırım.Aqiqat müellifi Fatima Osman olğanlar.
2020 senesi sentâbr ayında haber etilgenine köre, Qırımda Sadıq Acı Selimov vefat etti. Fevral ayında o, 90 yaşını tolduracaq edi. Sadıq Acı Selimov «1944. Sürgünlik» filminiñ qaramanı edi.
