Ukrayına vatandaşlarınıñ 78%-ı Rusiye istilâsı neticesinde elâk olğan ya da yaralanğan tuvğanları ya da dostları bar. Bu Kyiv halqara içtimaiyat institutı keçirgen tedqiqat neticeleri.
Soravğa köre, cevap bergenlerniñ 63%-ınıñ eñ az bir yaqın soyu ya da dostu elâk oldı.
Qayd etilgenine köre, cevap bergenler cenkten qaytmağan eñ az üç insannı tanıy. Cevaplar bütün Ukrayına regionlarında aynı, şarqtan ğarpqa qadar.
Sorav mayısnıñ 26-ndan iyünniñ 5-ne qadar keçirildi. İçtimaiyatçılar 18 yaşını toldurğan 2 biñ 13 insandan soradı. Tedqiqatta Qırım, Aqyar, Donetsk ve Lugansk vilâyetleriniñ bazı rayon sakinleri iştirak etmedi. Yani 2022 senesi fevralniñ 24-nde Ukrayına akimiyeti kontrol etmegen topraqlar. Rusiye istilâsındar soñ çetelge ketken vatandaşlar da iştirak etmedi.
Ukrayına ve Rusiye akimiyetleri cenkte ordunıñ ğayıpları aqqında tam malümat bermey. BM malümatına köre, barışıqsever sakinlerni aytsaq, bıltır fevral ayından başlap Ukrayınada 9 biñden çoq vatandaş elâk oldı, aman-aman 16 biñ kişi farqlı seviyede yaralandı. Teşkilât laf tek qayd ztilgen adiseler aqqında kete, elâk olğan ve yaralanğanlarnıñ kerçek sayısı daa çoq, dep qayd etti.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
78% ukrayınalınıñ tuvğanları cenkte elâk oldı ya da yaralandı
