Qadimiy Bağçasarayda oktâbrniñ soñki künleri küneşli, sıcaq ve aman-aman boş edi. Qırım Hanlığınıñ sabıq paytahtından yüzlernen kilometr uzaqlığında cenk başlağanını, ukrayin şeerleri ve köyleri muntazam sürette Rusiye ordusınıñ raketa ve bombalarına oğrağanını iç bir şey bildirmey. Tek, bu yerde yerleşken rus pravoslav kilsesiniñ Aziz-Uspen monastırınıñ Uspen qoba kilsesiniñ kirişi ögünde "SVO" ihtiyacları içün para toplamaq içün yerleştirilgen eki urna cenk başqa bir añlam olmağanını hatırlatalar.
Cenk vaziyetinde Bağçasaraynıñ küz palitrası (fotogalereya)
1
Bağçasaray kenarındaki Gasprinskiy soqağındaki qaya körünişi
2
Qırımtatar maarifçisi, yazıcısı ve pedagogı İsmail bey Gasprinskiyniñ müzeyi 1921 senesi martnıñ 21-nde, yazıcınıñ doğğanınıñ 70 yıllığı munasebetinen açıldı. 1932 senesi müzey sovet akimiyeti tarafından qapatıldı, eksponatlarnıñ ekseriyeti ğayıp oldı. 2001 senesi martnıñ 21-nde, yazıcınıñ 150 yıllığı munasebetinen, müzey yañıdan açıldı. Müzeyniñ ekspozitsiyası — aile fotoresimleri, vesiqalar, mukâfatlar, kitaplar, derslikler ve hatıra eşyaları, edebiyat menbalarınıñ zengin toplamıdır
3
Müzey eviniñ azbarındaki bağça da ğayrıdan tiklendi. Anda güller çeçeklene ve dut teregi öse
4
Eski şeerdeki bu ev endi çoqtan satıla, Bağçasaray, 2024 senesi oktâbrniñ soñu
5
"Aşlama saray" turistik kompleksinde turistler ve potensial alıcılar körünmey
6
7
8
Basenko soqağı, Bağçasaray
9
Zıncırlı medrese ve Aziz Uspen erkekler qoba manastırı, em de Çufut-Qale yollarınıñ ayırılması ögünde
10
Manastırğa ketken yol
11
12
Manastırnıñ Georgiy kilsesiniñ manzarası
13
14