Ukrayına Yuqarı Radası umumiy seferberlik ve cenk vaziyeti müddetini daa 90 künge uzattı, avgustnıñ 18-nden noyabrniñ 18-ne qadar.
Ukrayına prezidenti bergen qanun leyhalarına qoltutulğanını bir qaç halq deputatı Telegram kanallarında bildirdi.
Soñki sefer parlament Ukrayınada cenk vaziyeti ve umumiy seferberlikni mayısta 90 künge uzatqan edi – avgustnıñ 18-ne qadar.
Ukrayınada 2022 senesi fevralniñ 24-nden, Rusiyeniñ tam silâlı istilâsı başlağanından berli, cenk vaziyeti ilân etildi. Umumiy seferberlik de ilân etildi. Olarnıñ müddeti bir qaç kere uzatılğan edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
