Ukrayına Yuqarı Radası cenk vaziti ve seferberlikni uzattı. Böyle qararğa 348 deputat rey berdi. Bu aqta «Ses» firqasınıñ vekili Yaroslav Jeleznâk bildirdi.
Cenk vaziyeti ve seferberlik 2023 senesi fevralniñ 19-nda 90 künge uzatılacaq.
Parlament cenk başlağanından altıncı Kere rey bere. Bundan evel Rada böyle qararlar alğan edi: fevralniñ 24-nde, martnıñ 15-nde, aprelniñ 21-nde, avgustnıñ 15-nde ve noyabrniñ 16-nda.
Ukrayınada 2022 senesi fevralniñ 24-nden başlap cenk vaziyeti ilân etildi. O künü umumiy seferberlik ilân etildi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
