Link açıqlığı

Saatnıñ esas haberi

Cenk vaziyeti Rusiye istilâsı sebebinden ilân etile – Poroşenko


Cenk vaziyeti Rusiye istilâsı sebebinden ilân etile – Poroşenko
Bekleñiz, lütfen
Embed

No media source currently available

0:00 0:01:02 0:00

Ukraina Milliy telükesizlik ve mudafaa şurasınıñ acele toplaşuvında Ukrainada cenk vaziyetini ilân etmek içün azırlıq körmege qarar alındı. «Cenk vaziyeti Rusiye tarafından artqan istilâ ve halqara uquqqa köre açıq tecavuz sebebinden Ukrainanıñ mudafaasını quvetleştirmek maqsadınen ilân etile», – dedi Ukraina prezidenti Petro Poroşenko Milliy telükesizlik ve mudafaa şurasınıñ toplaşuvında. Toplaşuv Keriç boğazında Ukraina gemilerine qarşı açılğan ateş ve gemilerniñ zapt etilmesi sebebinden noyabrniñ 26-na keçer gecesi keçirildi. Noyabrniñ 25-nde saba Ukraina Arbiy deñiz quvetleri bildirdi ki, Rusiyeniñ sıñır gemileri Odesa limanından Azaq deñizinde Mariupolge keçken Ukraina Arbiy deñiz quvetleriniñ gemilerine qarşı «açıq istilâiy areketler» kerçekleştirdi. Rusiyeniñ «Don» sıñır kateri Ukraina Arbiy deñiz quvetleriniñ «Yañı Qapu» reyd buksirine aselet çarptı. Qırımdaki Rusiye FSB idaresi bildirgenine köre, noyabrniñ 25-nde Ukrainağa ait üç arbiy gemi «Rusiyeniñ devlet sıñırından qanunsız» keçip, Keriç boğazı yolunda «telükeli areketler» yaptı.

XS
SM
MD
LG