İyünniñ 28-i itibarınen büyük cenk neticesinde Ukrayinada 493 bala ölgen ve 1033-ten ziyade yaralanğan. Bunı Ukrayina Baş prokurorı ofisinde bildirdiler.
"İyünniñ 27-nde duşmannıñ Donetsk vilâyetiniñ Kramatorsk şeerini ateşke tutması neticesinde üç qız bala öldi: 17 yaşında, ve 14 yaşında eki qız-qardaş, 8 aylıq bir bala yaralandı", - dep yazıla bildirmede.
Resmiy malümatqa köre, Rusiye istilâsı başlanğandan berli Ukrayinada 1526 bala zarar kördi.
İyünniñ 28-nde Ukrayina Fevqulâde vaziyetler hızmeti, Donetsk vilâyetindeki Kramatorsk şeerine aqşam endirilgen Rusiye rakete darbesi neticesinde ölgenderniñ sayısı 9, yaralanğanlarnıñ sayısı 56 olğanını bildirdi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
