UNESCO halqara teşkilâtı Ukrayinada zarar körgen ve yıqılğan medeniyet obyektlerniñ cedvelini yayınladı.
2023 senesi iyülniñ 26-sı itibarınen teşkilât 2022 senesi feralniñ 24-den 274 obyektniñ zarar körgenini tasdıqladı. Olarnıñ arasında 117 diniy obyekt, 27 müzey, tarih ve/ya da sanat ceetinden qıymetli olğan 98 bina, 19 abide, 12 kitaphane, 1 arhiv.
Eñ çoq şu vilâyetlerde zararlar:
- Donetsk vilâyeti – 78 obyekt
- Harkiv vilâyeti – 55
- Kıyiv ve vilâyet – 38
- Lugansk vilâyeti– 33
- Çernigiv vilâyeti – 17
- Zaporijjâ vilâyeti – 12
- Sumı vilâyeti – 12
Ukrayina akimiyetiniñ malümatına köre, iyülniñ 19-dan 2-ne qadar Rusiye ordusınıñ er künki ateşke tutması neticesinde Odesada 28 mimarlıq abidesi zarar körgen.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
