Qırım Muhtar Cumhuriyetiniñ prokuraturası Rusiyeniñ Fevzi Yakubov Qırım müendislik pedagogika universitetiniñ rektorına şübheli olğanı aqqında haber etti. Bu aqta müessiseniñ matbuat hızmeti bildire.
«Prokuratura işğalci Fevzi Yakubov Qırım müendislik pedagogika universitetiniñ rektorı, aynı vaqıtta Qırım Cumhuriyeti Devlet şurasınıñ deputatına şübheli olğanını bildirdi. Şübheli propaganda televideniyesinde çıqışta bulunıp, Rusiyeniñ Ukrayınağa qarşı silâlı istilâsını aqlap tanıdı», – dep aytıla haberde.
Prokuratura, şübheliniñ «Ukrayına natsizmi», «yekâne vatan – Sovetler Birligi» laflarını aytıp, Rusiye başlatqan cenkke müsbet baqqanını bildirdi.
Şübheliniñ areketleri Rusiye Federatsiyasınıñ Ukrayınağa qarşı silâlı istilâsını inkâr etüvi, aqlavı, doğru tanıluvı (Ukrayına Ceza kodeksiniñ 436-2 maddesiniñ 3-ünci qısmı) olaraq tasnif etildi. O, sekiz yılğa apiske alına bile.
Haberde şübheliniñ adı aydılatılmay, amma açıq menbalarğa köre, Fevzi Yakubov Qırım müendislik pedagogika universitetiniñ rektorı Çingiz Fevziyeviç Yakubov ola.
Daa evel berilgen malümatqa köre, Qırım Muhtar Cumhuriyetiniñ prokuraturası Qırımdan dört sabıq Ukrayına uquq qoruyıcısına devlet hainliginden şübheli olğanını ğıyabiy şekilde bildirdi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
