Qırımtatar halqınıñ lideri, halq mebusı Mustafa Cemilev, Ukraina prezidenti Volodımır Zelenskıynen qırımtatar halqı meseleleri boyunca vekâletliniñ namzetini muzakere etecek, dep bildirdi QHA media matbuatına.
“Zelenskıynen körüşüvimiz bar, amma künü daa kesilmedi. Bu körüşüvden soñ biz, vekâletli olaraq kimni tevsiye etecegimizni tüşünecekmiz. Menimce, qırımtatar halqı meseleleri boyunca vekâletli olsa yahsı, mıtlaq da men olmam kerekmey. Meclis kimni tevsiye etecegini belgiler. Men, yaş birisi tayin etilsin dep ister edim, çünki biz endi mamontlar kibi qartmız”, - dedi Cemilev.
Öz planları aqqında aytqanda, Cemilev, Yuqarı Radanıñ bu çağırışınıñ soñki eki ayı devamında parlament işlerine dalacağını bildirdi.
Nevbetteki Radağa namzetligini qoyacaqmı, yoqmı sualine: “Daa bir qararğa kelmedim”, dedi.
Ukrainanıñ beşinci prezidenti Petro Poroşenko 2014 senesi avgust ayında Qırımtatar halqı meseleleri boyunca vekâletli vazifesini tesis etken edi. Bu rutbege Mustafa Cemilev tayin etilgen edi. 2019 senesi mayıs 18-inde Poroşenko, Cemilevni bu vazifeden boşatqanıaqqında ferman imzaladı.
