Link açıqlığı

Qırımtatar milliy areketiniñ yetekçisi, Ukraina halq deputatı Mustafa Cemilev yarımadanıñ tamır halqınıñ sürgünligi mevzusı ile bağlı olğan vesiqalar alâ daa Rusiye mahsus hızmetlerinde olğanı ve taqiqatçılar içün qapalı olğanı içün öz yazıqsınuvını bildire, dep haber ete Ukrinform.

Bunıñ ile qırımtatarlarnı, onıñ sözlerine köre, Ukraina havfsızlıq hızmetiniñ malümatları, hususan Viktor Yanukoviçniñ idaresi vaqtına ait olğan malümatları meraqlandıra.

Böyle sözler ile Cemilev Havfsızlıq hızmetiniñ arhivinden vesiqalarnıñ dört tomınıñ alınuvını izaatladı.

«Vesiqalarnıñ çoqusı bizge tanış edi. Olar tarihçı, tedqiqatçılarğa kerek olur, ğaliba, amma bizni soñki yıllarğa ait olğan malümatlar meraqlandıra. Yani devletimizge qarşı iş alıp barğan, FSB bölügi olğan, Ukraina havfsızlıq hızmetiniñ memleketimizde etken areketleri ile bağlı malümat. Mecliske qarşı iş körgen satqınlar cedvelini elde etmege de güzel olur edi. Amma olarda şimdi, ğaliba, başqa planları bar, olarnı şimdi aydınlatmaylar», – dedi halq deputatı.

Onıñ sözlerine köre, qırımtatarlar er vaqıt mahsus hızmetlerniñ nezareti altında buluna edi eken.

«Esas separatist ve Ukrainanıñ esas telükesi biz edik eken. Mına böyle tasavur edi», – dedi Cemilev.

Onıñ aytqanı kibi, soñki yılları Yanukoviçniñ idaresi vaqtında qırımtatarlarğa nisbeten olğan siyaset FSB-den idare etile edi.
XS
SM
MD
LG