İyün 17 kunü Dnepropetrovstkta Dnerpopetrovsk vilâyet memuriyetiniñ reisi İgor Kolomoyskiy ve qırımtatar halqınıñ milliy lideri Mustafa Cemilev işbirlik aqqında Memorandumnı imzaladı, dep bildireler yerli matbuat vastaları.
Memorandum maqsadı – qırımtatar halqı ve Dnepropetrovsk vilâyetiniñ sakinleri arasında dostluq, ürmet munasebetlerini inkişaf etmek.
Mustafa Cemilev işğal etilgen topraqlardan köçip kelgenlerge yardım köstermege toqtamağan insanlarğa teşekkürini bildirdi.
İgor Kolomoyskiy sözlerine köre, Memorandum Dneroppetrovsk vilâyetiniñ yolbaşçılığına işğal etilgen Qırımdan kelgenlerniñ yerleştirüvinde ve iş teminlevinde yardım ete, Qırım studentlerine Dnepropetrovsk aliy oquv yurtlarına kirüvini temin ete.
«İşğalde yaşamağa istemegenlerni,pasportlarına baqmadan, qabul etmege azırmız», – dedi İgor Kolomoyskiy.
Memorandum içine 17 noqtanı qaplap ala.
Şu cümleden, memorandumğa köre, taraflar tarih, til, tasil, medeniyet boyunca umumiy ilmiy-ameliy konferentsiyalarnı keçirmege añlaştılar.
«Qırımtatar halqınıñ ve Dnepropetrovks vilâyetiniñ gençlerine inkişaf etmege imkân yaratqan leyhalarnı amelge keçirmek. Dnepropetrovsk vilâyetinde qırımtatar halqınıñ ve milliy azlıqlar vekilleriniñ zemaneviy sanaatnıñ inkişafı ve medeniy asabalıqnıñ saqlanuvı vastası ile maneviy zenginleşüv ketişatında iştiragini temin etmege», – denile Memorandum beyanatında.
Bundan da ğayrı eki taraf qırımtatar halqı ve Dnepropetrovsk vilâyetiniñ diger millet vekilleri ile milletlerar ve medeniyetara munasebetini qurmağa vade etkenler. Qırım yarımadasınıñ tamır halqı olğan qırımtatarlarğa Qırım Muhtar Cumhuriyetini mustaqil Ukraina devletine qaytaruvında qol tutmağa.
Dnepropetrovsk vilâyetine Qırım Muhtar Cumhuriyetinden ve Aqyardan kelgen qorantalarğa kanunlarğa köre destekni köstermek.
«Qırım Muhtar Cumhuriyetinde ve Aqyarda yerleşken aliy oquv yurtlarında tasil alğan studentlerge Dnepropetrovsk vilâyetiniñ aliy oquv yurtlarına keçüv şaraitlerini teşkil etmek», – denile Memorandum beyanatında.
Bundan da ğayrı, qırımtatar halqınıñ mustaqil Ukraina terkibinde özüni belgilev aqqını temin etmek. Qırımtatar milliy Meclisi, qırımtatar halqı Qurultayınıñ icra organı ve qırımtatar halqınıñ yuqarı temsiliy organı olğan Qurultay ile qomşu munasebetlerni qurmaq.
Ukraina Nazirler Kabinetine Qırım Muhtar Cumhuriyeti boyunca Nazirlikni teşkil etmege teklifi ile muracaatta bulunmaq.
Qaçaqlar işlerniñ boyunca BMT Yuqarı komissarnıñ İdaresi ile köçip kelgenlerniñ kütleviy yerleştirilüvi boyunca leyhanı azırlamaq.
İçki işler nazirligi, Ukraina Devlet sıñır hızmeti ile işğal etilgen topraqlardan kelgenlerniñ qayd etüv ketişatınıñ sadeleştirüvni temin etmek ve ilâhre.
Memorandum maqsadı – qırımtatar halqı ve Dnepropetrovsk vilâyetiniñ sakinleri arasında dostluq, ürmet munasebetlerini inkişaf etmek.
Mustafa Cemilev işğal etilgen topraqlardan köçip kelgenlerge yardım köstermege toqtamağan insanlarğa teşekkürini bildirdi.
İgor Kolomoyskiy sözlerine köre, Memorandum Dneroppetrovsk vilâyetiniñ yolbaşçılığına işğal etilgen Qırımdan kelgenlerniñ yerleştirüvinde ve iş teminlevinde yardım ete, Qırım studentlerine Dnepropetrovsk aliy oquv yurtlarına kirüvini temin ete.
«İşğalde yaşamağa istemegenlerni,pasportlarına baqmadan, qabul etmege azırmız», – dedi İgor Kolomoyskiy.
Memorandum içine 17 noqtanı qaplap ala.
Şu cümleden, memorandumğa köre, taraflar tarih, til, tasil, medeniyet boyunca umumiy ilmiy-ameliy konferentsiyalarnı keçirmege añlaştılar.
«Qırımtatar halqınıñ ve Dnepropetrovks vilâyetiniñ gençlerine inkişaf etmege imkân yaratqan leyhalarnı amelge keçirmek. Dnepropetrovsk vilâyetinde qırımtatar halqınıñ ve milliy azlıqlar vekilleriniñ zemaneviy sanaatnıñ inkişafı ve medeniy asabalıqnıñ saqlanuvı vastası ile maneviy zenginleşüv ketişatında iştiragini temin etmege», – denile Memorandum beyanatında.
Bundan da ğayrı eki taraf qırımtatar halqı ve Dnepropetrovsk vilâyetiniñ diger millet vekilleri ile milletlerar ve medeniyetara munasebetini qurmağa vade etkenler. Qırım yarımadasınıñ tamır halqı olğan qırımtatarlarğa Qırım Muhtar Cumhuriyetini mustaqil Ukraina devletine qaytaruvında qol tutmağa.
Dnepropetrovsk vilâyetine Qırım Muhtar Cumhuriyetinden ve Aqyardan kelgen qorantalarğa kanunlarğa köre destekni köstermek.
«Qırım Muhtar Cumhuriyetinde ve Aqyarda yerleşken aliy oquv yurtlarında tasil alğan studentlerge Dnepropetrovsk vilâyetiniñ aliy oquv yurtlarına keçüv şaraitlerini teşkil etmek», – denile Memorandum beyanatında.
Bundan da ğayrı, qırımtatar halqınıñ mustaqil Ukraina terkibinde özüni belgilev aqqını temin etmek. Qırımtatar milliy Meclisi, qırımtatar halqı Qurultayınıñ icra organı ve qırımtatar halqınıñ yuqarı temsiliy organı olğan Qurultay ile qomşu munasebetlerni qurmaq.
Ukraina Nazirler Kabinetine Qırım Muhtar Cumhuriyeti boyunca Nazirlikni teşkil etmege teklifi ile muracaatta bulunmaq.
Qaçaqlar işlerniñ boyunca BMT Yuqarı komissarnıñ İdaresi ile köçip kelgenlerniñ kütleviy yerleştirilüvi boyunca leyhanı azırlamaq.
İçki işler nazirligi, Ukraina Devlet sıñır hızmeti ile işğal etilgen topraqlardan kelgenlerniñ qayd etüv ketişatınıñ sadeleştirüvni temin etmek ve ilâhre.
