Qırımtatar halqınıñ lideri Mustafa Cemilev ukrainalılarnı Ukraina halq cumhuriyeti ve Ğarbiy Ukraina Halq Cumhuriyetiniñ birleşüv aktınıñ ilân etilüviniñ yüz yıllığınen tebrikledi.
«Bugün devletimiz içün müim kün qayd etile – Ukraina Halq Cumhuriyeti ve Ğarbiy Ukraina Halq Cumhuriyetiniñ birleşüv aktınıñ ilân etilmesinden 100 yıl. Ukraina Birleşüv künü hayırlı olsun! Yaşasın Ukraina!», – dep aytıla hayırlarda.
Ukrainada yanvarniñ 22-nde UHC ve ĞUHC birleşüviniñ aktı ilân etilmesiniñ yüz yılı qayd etile.
Ukraina Birleşüv Künü er yıl Ukraina Halq Cumhuriyeti ve Ğarbiy Ukraina Halq Cumhuriyetiniñ bir ukrain devletine birleşüviniñ aktı 1919 senesi yanvarniñ 22-nde ilân etilgen künü qayd etilmekte.
Kyivde Birleşüv künü Ukraina reberligi, halq deputatları, ATO iştirakçileri, cemaat ve din teşkilâtlarınıñ iştirakinen tedbirlerniñ keçirilmesi planlaştırıla.
Paton köprüsinde kyivliler ve şeer musafirleri toplaşıp, «birleşüvniñ canlı silsilesini» yapacaq. O, Ukrainanıñ şarqı ve ğarbi birleşkeniniñ timsaoli olacaqtır. Tedbirde qırımlı faaller de iştirak etecek.
