Qırımtatar haqınıñ lideri Mustafa Cemilev Türkiyede Könya erzaq ve köy hocalığı universitetiniñ fahriy doktorı unvanını aldı. Bunıñ aqqında oquv yurtunıñ saytında haber etile.
Universitetniñ binasında olıp keçken fahriy doktor atestatnıñ resmiy taqdim sukünet daqqasında ve Türkiye, Ukrayina ve qırımtatatar gimnleriniñ icrasından başlanğan.
Cemilevniñ sözlerine köre, o alğan mukâfat "qırımtatar halqına büyük bir maneviy destektir".
Evel Qırımtatar halqınıñ milliy lideri, Ukrayina millet vekili Mustafa Cemilevge Ukrayina Qaramanı unvanı ve "Altın Yıldız" nişanı berilgen edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
